Musiek

Die deuntjie wat fluister uit die voorhuis
Sus ons soos siembambas in ons bed
Ek lê en speel met die note
Jy het my liefde daarmee getoonset

Ek streel met my hand oor jou klawers
Jy sing soos 'n konsertsaal vleuel
Ek stryk jou soos 'n rare Stradivarius
Jy strem om jou skril te beteuel

Met voortstuwende akkoord progressies
Komponeer ons 'n mooi simfonie
Van ons liefde, en van ons hartstog
Ons passie vertolk in melodie

Harmonieë is weer in my wakker
In my siel neurie iets warms
Jy bespeel my met soveel kuns
En ek lê met musiek in my arms